Улсын болон орон нутгийн чанартай автозамд гарч буй зам тээврийн осол, хэргийг бууруулах, урьдчилан сэргийлэх зорилгоор Хууль зүй, дотоод хэргийн яам, Цагдаагийн Ерөнхий газар, Монгол  Улсад Гэмт хэргээс урьдчилан сэргийлэх ажлыг зохицуулах зөвлөл хамтран “ Орон нутгийн зам-Хөдөлгөөний соёл” аяны нээлтийг өнөөдөр 11.40 цагт зохион байгууллаа. Нээлтийн ажиллагаанд аймгийн ИТХ-ын Тэргүүлэгчдийн нарийн бичгийн дарга Ц.Мөнгөнцоож, Сайнцагаан сумын ИТХ-ын дарга Б.Өлзийбаяр, аймгийн Цагдаагийн газрын Замын цагдаагийн тасгийн дарга дэд хурандаа Б.Цэндзэсэм, Авто тээврийн үндэсний төвийн дарга Ц.Бямбацогт болон иргэд, таксны жолооч нар, албаны бусад хүмүүс оролцлоо.

Дээрх аян 10 сарын 15-ны өдөр хүртэл 4 сарын хугацаанд үргэлжлэх юм.